ADIÓS A EUROVEGAS

¡Venga currículums a la basura!
¡Menudu chascu,qué desatinu!
Ya nos quedamus sin Euruvegas,
ya nos quedamus sin los casinus.

¡Con el trabaju que iban a dal!
Sencillamenti fue una quimera.
Ya no pondrán la primera piedra...
ni en esti inviernu ni en primavera.

Aunqui el gobiernu sigui diciendu
que estu no afecta a la economía,
esta noticia les ha caíu
igual que un jarru con agua fría.

Iban a empezal las obras
antis de acabal el añu
y ahora se ha echau otras cuentas
esi vieju tan tacañu.

Resulta que el ricachón
se pusu mu gentinosu,
a mí no me llena el oju
un sel tan avariciosu.

Resulta que el millonetis
tieni fama de exigenti,
tampocu me gusta un pelu
la genti tan prepotenti.

Esti maganati tan millonariu
quería fumal dentru del casinu,
servil las copas por veinti pavus
¡y a cincu eurus los capuchinus!

Al no cedel a sus pretensionis
comu el magnati sigui en sus treci
ha decidíu que su proyectu
se lo construyan los japonesis.

Estus disgustus ya duelin menus,
aquí ya estamus acostumbraus,
ya nos dejarun sin olimpiadas,
por esu lluevi sobri mojau.

Ana Botella sigui en su linea,
¿sabin que diju ayel la alcaldesa?
Que si Euruvegas se va a otru sitiu
es porque a ella no le interesa.

Y lo diju con mucha arrogancia,
y lo diju con gran prepotencia,
y dispués tropezó en un bordillu
y ha teníu que pasal por urgencias.

Si esti proyectu se ha íu,
otru proyectu vendrá,
y ahora a cantal villancicus
que llega la Navidá.

En fin que lo de Euruvegas
muchu ruidu y pocas nuecis,
así que a las tragaperras
que jueguin los japonesis.